Sidik kisəsi xərçəngi, harada formalaşdığı və digər amillərə görə bir neçə növə bölünür. Sidik kisəsi xərçənginin ən yaygın növü keçici hüceyrə (urotelyal) karsinomadır (TCC). Bu tip, sidik kisəsi xərçəngi halların təxminən 95%-ni təşkil edir. Bu tip xərçəng hüceyrələri sidik kisəsinin daxili səthini örtən urotelyal hüceyrələrə bənzəyir. TCC-nin iki alt tipi vardır:
Papilyar karsinoma: Papilyar karsinoma, sidik kisəsinin daxili səthindən tırtılvari uzanaraq, boş mərkəzə doğru böyüyür. Adətən, bu şişlər invaziv olmayan papilyar xərçənglər adlanır, yəni onlar sidik kisəsi divarının dərin qatlarına keçmirlər. Papilyar TCC çox aşağı dərəcədə olduqda, bu, aşağı malign potensiala malik papilyar neoplazma adlanır və müalicələrin ustün nəticələri olur.
Düz karsinomalar: Bu tip TCC, urotelyumdan sidik kisəsinin mərkəzinə doğru böyümür. Əksinə, düz karsinomalar sidik kisəsi divarının səthində qalır. Əgər düz karsinoma urotelyumla məhdudlaşırsa, ona invaziv olmayan düz karsinoma və ya düz karsinoma in situ deyilir.
Daha nadir sidik kisəsi xərçəngi növlərinə bunlar daxildir:
Squamous hüceyrə karsinoması: sidik kisəsi xərçəngi hallarının təxminən 1% – 2%-ni təşkil edir. Squamous hüceyrələri, dərinin səthindəki düz hüceyrələrə bənzəyir. Sidik kisəsinin demək olar ki, bütün squamous hüceyrə karsinomaları invazivdir.
Sidik kisəsinin adenokarsinoması: kolon xərçənglərində görünən bez formalaşdıran hüceyrələrə yaxından bənzəyir və sidik kisəsi xərçəngi hallarının təxminən 1%-ni təşkil edir.
Kiçik hüceyrə karsinoması: çox nadirdir, bütün sidik kisəsi xərçəng halları arasında 1%-dən azını təşkil edir. Bu tip sidik kisəsi xərçəngi, sinirlərə bənzər neyroendokrin hüceyrələrdə başlayır.
Sarcoma: sidik kisəsi divarının əzələ qatında başlayan bir başqa çox nadir sidik kisəsi xərçəngi növüdür.
